Nieuws
Prins Rens de 1e! Prins 2019 van CV de Foekepotters
- Gegevens
Prins Rens I is oetgeroape toet prins 2019 van CV de Foekepotters en prins Rens geit os veurop mit zienne sjpreuk:
"De Riekswaeg gepasseerdj, Grathem regeertj."
Van puntj 7 in zien proclamatie kintj dr zeker op aan...
"7. Kepelmeister Koen, mien sollicitatie met de triangel waas eine groete flop, Door Diek en Dun, aan uch de ieër, zet de tent mer op de kop!"
Prins Martijn de 1e! Prins 2018 van CV de Foekepotters
- Gegevens
Prins Martijn I is oetgeroape toet prins 2018 van CV de Foekepotters en geit os veurop mit zienne sjpreuk:
"Jònk en aod, gans Grathem fieëstj zich oet de naod!"
In puntj 2 van zien proclamatie zulle wae um zeker neet teleur sjtelle...
"2. Det mien broor, kepelmeister Koen, de jonges en maedjes van Door Diek en Dun mer lueetj traöte vueer drie, want ‘t daak mot d’r vanaaf hie!"
Wae traöte zeker ut daak d'r aaf!
Prins Wim de 2e! Prins 2017 van CV de Foekepotters
- Gegevens
Prins Wim de 2e is oetgeroape toet de 68e prins van de Foekepotters en geit os veurop mit zienne sjpreuk:
"Lupse of bes se mèt de fiets? Groeët of klein, Vastelaovendj viere wae same mèt ederein! ALAAF!"
De proclamasie woor ontzettend good. Veural ten 5e...
"Ten 5e: Det de Boore kapel de noeëte weer good gaon rake en daomet alle minse, diek en dun, oppe vloer zulle blaoze."
Doa kintj dr van op aan!!
Prins Bart de 2e! Lid van DD&D en prins 2016 van CV de Foekepotters
- Gegevens
Prins Bart de 2e is in oos jubileum jaor oetgeroape toet de 67e prins van de Foekepotters! Prins Bart geit os veurop mit zienne sjpreuk:
"'t Tiedsjtip is mich sjieët egaal... Wae goan fieëste maximaal!"
Ein geweldige proclamasie. Veural ten 3e...
"Ten 3e: De maedjes & jonges van “DD&D” ouch in häör jubileum jaor ‘t instrument toet laat laote krake den belaof ich neet de ganse vastelaovendj mèt mien sjuuf te versake."
Zeker! Wae goan fieëste maximaal!!
Door DIEK en DUN 6x11 Jubileumweekend
- Gegevens
Zoaterdig 21 en Zunjig 22 november 2015
De Vuuerverkaup-adresse vuuer dit evenement zeen:
- Café Zaal Geraats - Markt 5 - Grathem
- Biej Smidje - Gulden eind 9 - Grathem
- Pearle opticiens - Dorpstraat 31 - Heythuysen (a.k.a. DAB)
- Paul Beek Horen & Zien - Wilhelminaplein 1f - Heel
- Tankstation Carwash Peeters - Hunselerdijk 5 - Kelpen-Oler
Prieze inne Vuuerverkaup € 7,50,- en aan de duuerverkaup € 10,-
Prins Wil de 1e! 6 x 11 Jubileum prins 2015 van de Foekepotters
- Gegevens
Prins Wil de 1e is in ut jubileum joar 6 x 11 van de Foekepotters in Grathem oetgeroape toet de 66e prins. Wil I zal De Foekepotters vuuergaon ónger zien motto:
"6 kieër 11 sjleit de maot, Vastelaovendj in Grathem, mèt jonk en aod!"
In zien proclamatie "Ten 4e: Det de Boorekapel Door Diek en Dun ouch dit jaor weer van zich leutj huuere. En det de muziek weer flink moog klinke in het Foekepotterslandj."
Det geit gans good komme, det kinne we hem beloave!
Prins Ralf de 1e! Nuuje prins 2014 van de Foekepotters in Grathem
- Gegevens
Prins Ralf de 1e is uitgeroepen tot 65e prins van de Foekepotters! Prins Ralf geit os veurop mit zienne sjpreuk:
"Van jonk & soepel tot aod & stug, de vastelaovendj veer ich same, HIE NOE MÈT UCH!"
Prins Peter de 1e! Nuuje prins van de Foekepotters in Grathem
- Gegevens
Prins Peter de 1e is uitgeroepen tot 64e prins van de Foekepotters! De nuuje prins geit veurop met ziene spreuk:
"Met polonais en 'n pilske komme wae in Grathem op gang. Drie daag vastelaovendj, des niks te lang!"
De proclamasie woor ontzettend good. Veural de 8e...:
"Ten 8e; Det ‘Doeër Diek en Dun’ veural door mot gaon mèt laeve maake en tampieëste. Veur mich is in eeder geval eine wins; ‘vannacht ein serenaatje bie de prins".
Dao zullen wae um neet in teleurstellen!
Opening carnavalsseizoen Mestreech
- Gegevens
De vastelaovendj is weer van start gegaon en waat waas ut dit jaor weer un succes! Om 09:30u vertrok de bus nao ut Vriethof in Mestreech.
Ut waor al vreug drök op ut Vriethof. Dit woor mede te danke aan ut sjaone waer. Un straolendje hiemel en liters beer zurgde veur un perfecte "akkoestiek". Om 20:00u vertrok de bus weer nao Grathem wao ederein voldaon en met veul plezeer haet truuk kinne kieke op un zeer geslaagde opening van ut carnavalsseizoen!
Bak Fieeëst fietse
- Gegevens
18 augustus de 231e daag van `tjaor; geliek ouch de op ein nao heitste daag van `t jaor waas t weer zoeë wiet....de Foekepotters haoje traditiegetrouw de Bak Fieëst Fietse.
Als kapel make wae dao jaorlijks ouch get nummerkes om de aovendj get op te luistere. Vuuer de kapel is dit altied ein spannendj moment aangezeen mieër es de hélft `t instrument sinds `t begin van de zomervakantie neet mieër aan haet geraaktj, en bie sommige van os nog langer.
Mer oos talent moog natuurlijk neet ongersjat waere! Naodet eederein op`t terras get gegaete en vuuernamelijk ouch get gedronke haaj, waerdje `t ongerhandj tied vuuer ein paar nummerkes.
We zeen aojerwéts begonne mit de Trööt en Chodounska. Vuuer `t waer leek os “Zjweit Carolien” sorry eh.. “Sweet Caroline” un prima begin. Daonao waerdje `t tied vuuer ein Festival Der Liebe. Ein sjoeëne wals...Oh wacht det waas geine wals (Sorry Kevin).
Toen waas `t alweer tied vuuer ein vlotte aafsloeter: Spidi Gonzales, dit opzwependj tempo haet de kapellers flink laote zjweite. Hiej noa bleke dr nog 2 jäörige aanwezig te zeen (Harie Geraats en Mark Clerkx). `t hieël terras zong mit onger begeleiding van de kapel. Es die zich neet jäörig höbbe geveuldj weit ich `t ouch neet mieër.
Nao det spektakel sjrieëwdje `t terras om nog ein plaetje… weem zeen wae den om de minse det te ontgunne? Als toegfit höbbe wae nog Over & Out gespeeldj. Hie noa haje de meiste kapellers de luppe toch waal op de knieje hange: Wae woore Door Diek en Dun tot de volgendje kieër! Dorst!
